[grade="00008b ff6347 008000 4b0082"]السلام عليكم ورحمة الله وبركاته
اخواني الافاضل
اخواتي الفاضلات
اقدم لكم واضع بين ايديكم هذه القصيده والتي اعجبتني بشده للشاعر
المبدع والمتالق
حامد زيد
اي بالله اخطوا والخطا اللي جابهم عين الصواب
مبطي وانا اشوف الطمع يكشف رداهم واستره
مايملي عيون الحسود بهالزمن غير التراب
ومن لا يتوب من الخطا تحرم عليه المعذره
اللي من اولها خراب اكيد تاليها خراب
والبندق اللي ما تثور في هدفها تذعره
الصاحب اللي ما يجي من صحبته غير العذاب
نذر علي ان ماهجرني ولا انا اللي بهجره
من يفتح لفرقاي باب افك له عشرين باب
والصاحب اللي ما يقدر خوتي ما اقدره
ان روحوا فانا بري منهم ليوم الحساب
وان جرحوا قولوا لهم ما حركوا في شعره
شفهم لهم حول السنه ولا خذوا مني جواب
احسن دواء للي يحاول يستفزك تحذره
شفني جمعت اوراقهم بكتاب واغلقت الكتاب
ياوقت لم اللي تلمه وانثر اللي تنثره
ما كنت احاكيهم صغير عاد احاكيهم شباب
ياوقت انا من لا ذخرني للشدايد ما اذخره
عقب اكتئاب البارحه ما عاد انا حمل اكتئاب
الطيب جرجرني ونا ما ني بناقص جرجره
اللي يخاف من الظما يترك لنا طرد للسراب
واللي ما هو بقد الظلام ووحشته لا يسهره
انا تجرعت العطش لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت العالم بما تستحق المغفره
انا اكثر انسان تعلم من كثر ما اخطا وصاب
انا اخر انسان يتكلم في زمان الثرثره
انا القصيد اللي فزع من دفتره مليون ناب
وانا الوحيد اللي جمع مليون ناب بدفتره
جفني وجرحه السهر حيلي وهدته الصعاب
دمعي هدر ضحكي ندر عمري وضيعت اكثره
شيبت فعقول العرب هيبت روس ما تهاب
جمهرت ناس ما عمرهم ما يعرفون الجمهره
ما صرت ذيب الا لان اللي حواليني ذياب
ما كنت اغيب الا لان العفو عند المقدره
ترى حلاتك لا حملت لصاحبك كلمه عتاب
اما نطقت بها بوجهه لا تذمه بظهره
في هالزمن ما يملي عيون الحسود الا التراب
ولا الحضيض الطلقه اللي ما تصيبه تذعره
ودك اليا من جاتك الغلطه من الناس القراب
الصاحب اللي ما كسبت محبته ما تخسره
وسلامتكم يالغوالي[/grade]
المفضلات