[IMG]http://riadhalrekabi.***********/files/122283.jpg[/IMG]
لايومي بيـوم ٍ ولا ليلـي بليـل = = ولا السّعد مقبل ولا الهـم زايـل
ماغير ازم هموم واحـط واشيـل = = ولاراح منها هـم جالـه بدايـل
تدرون يالعربان وشهي البهاذيـل = = فرقى وليف وحظ مامن صمايـل
الوصل نعمه والمفارق غرابيـل = = ياحـظ ليتـك تعتـدل ماتمايـل
لامن بغيت اعدّلك ترجـع تميـل = = كنّك تقول اعيش وامـوت مايـل
والمهرة اللي ماتعيّن مـع الخيـل = = من دونها تقصر جميع الأصايـل
من دونها ضاعت عقول الحلاحيل = = وتضاربت فيهـا سلـوم القبايـل
ياشيب عيني يوم قفّت وانا اخيـل = = دموعها وبلٍ علـى الخـد سايـل
وانا اتصبّر وازهم العقل والحيـل = = والقلب يشكي للضلـوع النحايـل
اصبر مثل صبر الرجال المشاكيل = = واخبّي جروح الزمـن واتحايـل
لن الردي والهيس وخبل الرجاجيل = = تفرح لا وراني الزمان الهوايـل
وانا اترفع واترك القـال والقيـل = = واجبر عزى قلبٍ على الموت آيل
وشب نار الشوق وارهي المعاميل = = واريّح اعصابي ببـدع المثايـل
ولاّ الغلا ماعاد يحتـاج تفصيـل = = لنّـه مورينـي نجـوم القوايـل
ياللي غيابك حط بالقلـب تنكيـل = = ويلي على قربك ولانـي بطايـل
لاغاب صوتك ماتفيد المراسيـل = = وفر على الجوال كثـر الرسايـل
والله لـو تاخـذ لدمـي تحاليـل = = تلقاك بالجينات صايـل وجايـل
حبك تعدى حب الاكراد لأربيـل = = الاّ تعـدى حـب شمـر لحايـل
صبيت حبك مثل صب الفناجيـل = = وين الجليله تشرب اشواق وايـل
ياللي تواعدني من اسهيل لسهيـل = = والشوق في قلبي مسوي عمايـل
ليتك تبادلني الغـلا والمواصيـل = = وترد لي بعض الوفـا والجمايـل
تعبت من قولة ظروف وعراقيـل = = وتعبت من قولة ياقـل الوسايـل
غديت انا وياك مثـل المهابيـل = = واشباهنا فالوقـت هـذا قلايـل
لاقلت انا احبك ومشتاق بالحيـل = = تقول لي جعل العوض فالموبايـل
كذاب من قال المحبـه تساهيـل = = راحو ضحيتها عيـال الحمايـل
المفضلات